Txinatik eta Hego Amerikako lurretatik etorri zaizkigu bisitan Almenera egunotan.
Alde batetik Zen filosofiarekin bat egiten duen talde bat egon zen batxilergoaren egitura ezagutu nahian. Haien lurraldean herri eredu bat sortu nahian ari dira. Horrela antolakuntza eredu eta esperientzia ekonomiko eta politiko ezberdinak ezagutzen ari dira. Tartean, nola ez, hezkuntzaren inguruko erakundeak sortu beharko dituztenez, gurera etorri ziren gure batxilergoa ezagutzera.
Bestetik, jada ohitura bilakatu denez, Garabide erakundeak antolatuta hizkuntza minorizatuak dituzten herrietako ordezkariak etorri dira aurten ere.Biek ala biek, Kulturartekotasunaren proiektuan murgilduta ikusi ahal izan dituzte ikasleak lanean eta irakasleak ere Konfiantzaren Pedagogiaren inguruko formazio saioetan.
Garabidekoekin, gainera, esperientzia eta ikuspegien elkartrukea egin ahal izan genuela esan daiteke. Bisitariek, jaso, zuzendari eta pedagogia arduradunaren harrera eta azalpenak eta ikasleen inpresioak jaso zituzten; eman ere eman zuten, hitzaldi-tertulia moduko baten aritu baitziren gero batxilergoko 1 mailako ikasleekin.
Ikuspuntu eta bizipen interesgarriak entzun ahal izan genituen haien ahotik. Gurea eta haienak, denak hizkuntza minorizatuak izanda ere, zer pentsatua eman baiziguten haiek esandakoek. Hemen argazki sorta.
Iruzkinak
Argitaratu iruzkina